Nucleare in Sardegna? La risposta in limba di Antonello Garau
0 comments
No bastat tzerachia militari
chi megat de impestai totu su logu;
imoi s’ant coxinau unu mandiari
giai cotu, no serbit a fai fogu.
Si fueddant de arrefudu nucleari
comenti e chi fessit unu giogu;
a is Sardus unius totus impari
ddis tocat a circai a Predi Antiogu:
“Is ogus si-ndi ‘oghint pari-pari
a manera chi biant totu nieddu
e no potzant intendi mancu sonu.
Is barras ndi-ddis bessant(a) de pari,
a barrina ddis stampint su cerbeddu
e a is Sardus domandint perdonu”!
E, infinis, ca seu de coru bonu,
a chini at pensau custa faina
lampu chi ddis calit e unu tronu
ddis trunchit a arrogheddus sa schina!
Sa Sardìnnia no est unu bassinu:
a imbrutai su logu a casinu!
